رواية اربعة في واحد لـ الكاتبة فاطمة عبد ربه PDF , بحث الكثير من متابعي الكاتبة فاطمة عبد ربه عن رواية اربعة في واحد و لكن بكل اسف لم يجدوا الا نتائج لا يوجد بها الرواية كنص او ملف PDF و السبب في ذلك ان الكاتبة فاطمة عبد ربه قالت ان الرواية سوف تكون مطبوعة و في اقرب وقت تجدوها في معرض الكتاب و الاعمال الفنية و الادابية وذلك هو السر الذي يجهله الكثير من المتابعين و قد كان معنا من الرواية نسخة و لكن احتراما لرغبة و هدف الكاتبة لم نقوم بنشرها و قمنا بتعديل الموضوع رواية اربعة في واحد PDF احتراما منا و لكل زائر لموقع نوبا بوك ولكم منا كل الاحترام و التقدير و قريبا سوف تكون الرواية بنسختها الورقيه بين يديكم لـ 100 شخص من متابعينا علي فيس بوك او انسجرام او يوتيوب او تليجرام او بنتريست.
ملخص رواية أربعة في واحد
ملخص رواية أربعة في واحد هو أن أربعة طلاب يدرسون في كلية الهندسة و يوجهون في الكلية دكتور معقد يقوم بعمل المشاكل مع الطلاب و لا يقبل النقاش او الراي الاخر، و يحاول الطلاب الاربعة النجاح و عدم الرسوب و تحقيق حلمهم بـ ان يصبحوا مهندسون ناجحون في حياتهم و اثناء الاحداث نعرف ظروف كل منهم و جزء من حياته .مقدمة رواية أربعة في واحد
أربعة شباب في السنة الآخيرة من كلية الهندسة مُهددون بالرسوب لأن هناك أستاذ يترصد بهم، وفي محاولة منهم لمنع ذلك يقررون الإيقاع بابنة أستاذهم وابتزازه بها، ولعدة أسباب يجدون أن الفتى الأكثرهم خجلًا وانطوائية هو المناسب لتلك المهمة فيبدأ ثلاثتهم بتعليمه وإعطاءه من خبراتهم حتى يصبح قادرًا على الإيقاع بتلك الفتاة. لكن هل ستنجح خطتهم حقًا أم أن الأمور ستخرج عن السيطرة ؟" الموضوع بسيط مش هيحصل حاجة. "
كانت الفتاة تمر من أمامه عندما همس بصوتٍ مبحوح " ما تيجي .. "
دعى بداخله أن تكون الفتاة لم تسمعه لكن دعوته ذهبت هباءً منثورًا عندما وجدها تتوقف وتستدير له ثم فوجئ بها تسأله " أجي فين؟ "توتر أكثر وبدأ العرق يتكون على جبهته محاولًا إيجاد إجابة وفي وسط ذلك حاصرته الفتاة بنظراتها المتساءلة فأجاب باندفاع
" مش عارف، أحمد هو اللي قالي أقول لأي بنت كده على أساس أعاكسها .. "
" طب أجي فين ؟! "
" أنا أيش عرفني أنا! أحمد ماقاليش الحتة دي. "
رمقته الفتاة بإعجاب، وسيم لكنه يبدو أبله وخجول .. تركيبة لطيفة!
" طب ما تيجي أنت يا قمر .. " غمزت له فشعر بقلبه يسقط في قدميه وحمحم ثم أخرج هاتفه وقال لها " طب بصي ثواني بس ... "
ثم تحرك ليقف في زاوية أخرى واتصل بأحمد وفور إجابته همس
" أحمد أنا لسه معاكس واحدة وقولتلها ما تيجي زي ما أنت علمتني ودلوقتي البت بتسألني أجي فين؟ أقولها تيجي فين؟ "
توسعت أعين أحمد وأردف بدون تصديق " عاكست! بجد؟ يعني ثمرة تعبنا طرحت! "
تململ الآخر ثم تذمر " مش وقت استظراف خالص، قولي أقولها تيجي فين؟ "
" قولها تعالي وهاتها أنا هتصرف، " أجاب أحمد عليه بسخرية فتوتر الآخر أكثر ومسح العرق عن جبينه بالمنديل لكنه وجد الفتاة تتقدم منه من جديد
" ما تيلا بقى؟ " قالت بنبرة مائعة فخاف الآخر أكثر ثم جاءته سخرية أحمد من جديد
" الله يخربيتك أنا قولتلك أشقطهم مش تسيبهم يشقطوك! "
" وهو إيه الفرق ما كله شقط! وبعدين أهو على الأقل حد هيتشقط في الليلة السودة دي. "
" يعني عادي بالنسبالك البت تروح تقول لأصحابها إنها هي اللي شاقطاك! دي حتى مش حلوة في حقك! "
" طب أعمل إيه؟ " همس فأجابه الآخر " لا بص البت دي مش نوعك، شوف واحدة مؤدبة .. وهات البت دي وأنت جاي، عايزها في موضوع. "
" أنت غيرت رأيك ولا إيه؟ " قالت الفتاة وهي تقترب منه لتمسك بيده ففزع وتحرك بعيدًا ثم همس لأحمد " الحقني دي بتتحرش بيا!! "
" والنبي مش مكسوف من نفسك والبت هي اللي بتتحرش بيك! "
كانت الفتاة ستقترب منه مرة أخرى فصرخ فجأة " لا ابعدي عني ماتلمسينيش .. أنا دي أول مرة أعاكس ماكانش قصدي أشقطك أنا كنت بتعلم. "
سمع ضحكات أحمد العالية من الجهة الأخرى وفوجئ بالفتاة ترمقه بقرف واستهئزت به " شباب إيه دول! اجري يلا يا كتكوت .. بعدين مانتاش قد المعاكسة بتعاكس ليه؟ "
" خلاص أنا آسف والله مش هعاكس تاني. "
" ولا ولا .. ماتسيبهاش تمشي يلا!!! " صرخ أحمد في أذنه على الجهة الأخرى من الهاتف
" طب يعني أعمل إيه!! "
" قولها تجيب رقمها وعاكسها شوية و.. " كان سيكمل لكن أدهم مد يده بالهاتف إلى الفتاة وقال " طب بصي خدي أحمد معاكي هو بيعرف يعاكس كويس.".
أخفض أحمد الهاتف ثم نظر للشابان أمامه وسخر " لا ابشروا، الثمرة طرحت خيبة. ".
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
سو، دي قصة كوميدية جديدة، رغم إني كنت مترردة أكتب أي حاجة كوميدي بعد 1622 لأني حاسة إن أي حاجة هكتبها بعدها مش هتكون زيها 💔
بس بتمنى إنها تبقى بالجودة الكافية، وبتمنى تعجبكم وتدعموها زي 1622 ❤
الجزء اللي قرأتوه ده هو مقطع من القصة، القصة هتبدأ من شابتر 1
مش هحدث فيها إلا بعد ما أخلص قصة Dark بس نزلت المقدمة عشان تبقى جاهزة 😂💔
بوعدكم بأربع شخصيات مسخرة أكتر من بعض 😂
أنتوا شوفتوا منهم شخصيتين بس وهما أدهم وأحمد، تقدروا تحددوا هما مين من cover القصة؟ 😂
طبعًا مزيج بين اللهجة المصرية والفصحى
وبس 😂👏
فصول رواية أربعة في واحد
الفصل 1 ــــــــــــــــــــــــــــــــــــــــــــــــــــــــــــــــ الفصل 2